SHREE SHARMA

423 days ago

शिव केशव स्तोत्रम् ध्यानम् माधवोमाधवावीशौ सर्वसिद्धिविहायिनौ । वंदे परस्परात्मानौ परस्परनुतिप्रियौ ॥ स्तोत्रम् गोविन्द माधव मुकुन्द हरे मुरारे शम्भो शिवेश शशिशेखर शूलपाणे । दामोदराऽच्युत जनार्दन वासुदेव त्याज्याभटाय इति सन्ततमामनन्ति ॥ 1 गङ्गाधरान्धकरिपो हर नीलकण्ठ वैकुण्ठकैटभरिपो कमठाब्जपाणे । भूतेश खण्डपरशो मृड चण्डिकेश त्याज्याभटाय इति सन्ततमामनन्ति ॥ 2 विष्णो नृसिंह मधुसूदन चक्रपाणे गौरीपते गिरिश शंकर चन्द्रचूड । नारायणाऽसुरनिबर्हण शार्ङ्गपाणे त्याज्याभटाय इति सन्ततमामनन्ति ॥ 3 मृत्युञ्जयोग्र विषमेक्षण कामशत्रो श्रीकण्ठ पीतवसनाम्बुदनीलशौरे । ईशान कृत्तिवसन त्रिदशैकनाथ त्याज्याभटाय इति सन्ततमामनन्ति ॥ 4 लक्ष्मीपते मधुरिपो पुरुषोत्तमाद्य श्रीकण्ठ दिग्वसन शान्त पिनाकपाणे । आनन्दकन्द धरणीधर पद्मनाभ त्याज्याभटाय इति सन्ततमामनन्ति ॥ 5 सर्वेश्वर त्रिपुरसूदन देवदेव ब्रह्मण्यदेव गरुडध्वज शंखपाणे । त्र्यक्षोरगाभरण बालमृगांकमौले त्याज्याभटाय इति सन्ततमामनन्ति ॥ 6 श्रीराम राघव रमेश्वर रावणारे भूतेश मन्मथरिपो प्रमथाधिनाथ । चाणूरमर्दन हृषीकपते मुरारे त्याज्याभटाय इति सन्ततमामनन्ति ॥ 7 शूलिन् गिरीश रजनीशकलावतंस कंसप्रणाशन सनातन केशिनाश । भर्ग त्रिनेत्र भव भूतपते पुरारे त्याज्याभटाय इति सन्ततमामनन्ति ॥ 8 गोपीपते यदुपते वसुदेवसूनो कर्पूरगौर वृषभध्वज भालनेत्र । गोवर्धनोद्धरण धर्मधुरीण गोप त्याज्याभटाय इति सन्ततमामनन्ति ॥ 9 स्थाणो त्रिलोचन पिनाकधर स्मरारे कृष्णाऽनिरुद्ध कमलाकर कल्मषारे । विश्वेश्वर त्रिपथगार्द्रजटाकलाप त्याज्याभटाय इति सन्ततमामनन्ति ॥ 10 अष्टोत्तराधिकशतेन सुचारुनाम्नां संधर्भितां ललितरत्नकदम्बकेन । सन्नामकां दृढगुणां द्विजकण्ठगां यः कुर्यादिमां स्रजमहो स यमं न पश्येत् ॥ 11 इति श्री यमकृत श्री शिवकेशव स्तुतिः सम्पूर्णम्

Comments (3)

Lal Singh 🇮🇳🇮🇳

Jul 4, 2025

जय माता दी जी 🙏 शुभप्रभात आपका दिन मंगलमय हो

Chhatrapati Anand

Jul 3, 2025

ganeshaya Sharanam Chhatrapati Anand budhi lok badhai...

Rama Devi Sahu

Jul 3, 2025

Om Namah Shivay 🙏🔱🌿🌺 Subha Ratri Jii 🙏🌹🌹 Bahut hi Sundar Post 👌👌🙏