जय जय श्रीराधे स्रवननि भरि निज गिरा मनोहर मधु मुरली की तान स

Rama Devi Sahu

224 days ago

🌼🌼जय जय श्रीराधे🌼🌼 स्रवननि भरि निज गिरा मनोहर मधु मुरली की तान। सुनन न दै कछु और सबद नित बहरै किन्हे कान ।। लिपटो रहै सदा तन सौं मम रह्यौ न कछु बिबधान। अन्य परस की सुधि न रही कछु भयौ चित इकतान ।। अंखियन की पुतरिन में मेरे निसिदिन रह्यो समाय। देखन दै न और कछु कबहूॅं एकै रूप रमाय ।। रसना बनी नित्य नव‌ रसिका चाखत चारु प्रसाद। मिटे सकल परलोक-लोक के खाटे मिठे स्वाद् ।। अङ्ग सुगंव नासिका राची मिटि सकल मधु बास । भई प्रमत्त गई अग-जग की सकल सुबास-कुबास ।। मन में भरी दिन्हीं मोहन निज मुनि मोहनि मुसकान । चित करयौ चिन्तन रत चिन्मय चारु चरण छबिमान।। दई डुबाय बुद्धि रस-सागर उछरन की नहीं बात । आय मिल्यौ चेतन में मोहन भयौ एक संघात ।।